Acerca de
Esta é unha obra de ficción baseada en feitos históricos reais. Os nomes dos sete proclamadores da República Federal da Illa de Arousa o 7 de outubro de 1934 son reais e constan no papel de estraza orixinal: Santiago Otero Pouso, Andrés Mougán Cores, Manuel Iglesias Dios, Demetrio Ramos Lojo, Juan Otero Maestú, Avelino Fuentes García e Segundo Nine Fernández.
Todo o demais —diálogos, escenas, emocións e personaxes ficticios— é creación literaria. Esta novela non pretende substituír o traballo dos historiadores, senón achegarse á verdade emocional dos feitos desde a ficción.
O autor agradece especialmente o traballo de Fernando Salgado e Juan Otero no libro "Papel de estraza" (Deputación de Pontevedra, 2022) e as investigacións de Xosé Álvarez Castro como fontes de referencia histórica.
Os nomes dos sete homes do papel son reais. O silencio tamén.
— Roberto Carlos Valverde Sabín · Illa de Arousa, 2026